Du Paule kasch m' r mol helfa. Ha wa, was hosch scho wied' r...
I sot a Seminararbet macha.
Üb' r was?
Vieradreißgdausetundneinhundertundneinzehn
und a bisle meh.

Sage mol, fällt dene Professora nix g' scheideres ei ?
Ha woischt, des got um Werbeerfolgskontrolle.
Um was ? Erfolg in der Werbung und wia du des kontrollierscht.
Hosch me ? Also was desch' t m' r rota.?

Als erstes frogscht d' r Matheprof , denn des hot mit Statistik zum dua.
Und was moint' r. Also Statistik kascht drea wia de willscht.
Er seit:“ Wessa Brot ich ess, dessa Statistik i mach.
It schlecht, abr des kascht it bringa. Jo, was denn?
Dia Webeerfolgskontroll isch a Thema do hot scho mancher
Doktorant sei Zäh raus bissa, drum hosch' du ja des Thema kriagt.

 Also fanget m' r nomol a .

34.919 hont in d'websait vom Gewerbeundhandelsverei
 noiglozt. Des isch a bisle meh als Weigarte Eiwohner hot.
Wiaviel Eiwohner hont den dia. Mit odr ohne Ravensburg ? Noi aloi.

Dia hont so 23 dausend und a paar zerquetschte.Aha, des hoist, dia hont mehmols neiguckt.
Jo und noi. Ja warum noi? Glaubscht etwa dia Neugeborene guget au scho ?

Dia muascht abzia sonscht bischt unseriös. A so. Wieviel homr denn ?
 

I denk so 11 dauset des kennt realistisch sei.
Denk mol aloi 5.000 Studenta und a Menga Rentner do kommt scho was zsamm.  
Also unterstellet m' r dia Weigertler hättet zwoimol neigugt, wo kommet dia andere 10.000 her.
Ha do gibst viele Möglichkeita. Zum Beispiel andere Orte, andere Vereine, andere Arbeitskreise
die sich mit Webung befasset und schließlich Neidhammel, dia glotzet ganz besonders, und guget was mir dunt.
Des hoist it umsonscht: big brother is watching you.
 
Moinscht? Ha do bin I fast sicher. Denn sind mir also Meinungsbildner in d' r großa Kreisstadt neuhochdeutsch „ Opinionleader“.
Ja wia d' r moinscht, des ka scho sei.
 
Woischt d' r Karle hot do a CRM- Softwär ei' gsetzt. Do kascht genau verfolga wo dia Gucker herkommet.
Ob von Amerika oder Bayern, ob bei Dag oder Nacht und wia lang und bis zur welch'r Seita dia glozet.
Alles is do ersichtlich do hom m' r scho a Vorsprung do misset dia andere erscht mol druff komma.
Bei uns do siehscht immer wied'r was der oinzelne gukt.

Ja warum machet ir denn dees so genau? Woischt unsere zukünftige Sponsora dia wollet erscht Beweise und Fakta 
und dann schaltet se bei uns dia Werbebanner.

Aha, so langsam wird mer' s klar - wia CRM in d' r  Werberfolgskontroll ei' gsetzt wird und welche Bedeutig

 Vieradreißgdausetundneinhundertundneinzehn

 hot.  Sauguat, gell Paule !

Joomla templates by a4joomla